- Anthologie des Poètes Wallons Namurois / par Lucien et Paul Maréchal.- Namur : Editions des "Rèlîs Namurwès" (Imprimerie E. Dubois & fils, place des Colonies), 1930.- 267 p. ; 28 cm.
- Il a été tiré de cet ouvrage 1àà exemplaires sur papier de Hollande, dont 25 hors commerce (numérotés de 1 à 25) et 75 (numérotés de 26 à 100).
Emile Robin
(1877-19..)
(1877-19..)
Si Vôy Voltî
Musique de E. Montellier.
Po s'vôy voltî, dijoz, bauchèles, garçons,
N'est-i nin vrai ? gn-a nin dandjî d' lèçons !
On s' rèseontère, on s' riwête èt d'ambléye
On-est djondu, èt V'la l' cœûr qui toctéye !
Si vôy voltî ! c'est ni pupont fé d' bin,
A paurt vos-ôtes, c'est compter l' monde po rin,
C'est, nêt-èt djoû come on feu qui vos rondje,
Et maugré tot, c'est viker on bia sondje.
Si vôy voltî ! c'est : quand-on-a signé,
D'meurer fidéle au sièrmint qu'on vint d' fé,
C'est, timpe èt taurd, awè l' coeûr a l'ovradje,
N'esse bin nule paut, qui dins si p'tit mwinnadje.
Si vôy voltî ! c'est : yesse papa, moman,
Clincîs d'zeû l' bérce, po rabressî l'èfant,
C'est yesse a deûs, l' restant di s' vikérîye
Po sopwarter tos les trayins dèl vîye !
8 juin 1923.
